گلبرگہ میں بیوی کو زندہ جلانے پر ٹریفک کانسٹبل گرفتار

گلبرگہ یکم اکتوبر( اعتماد نیوز): پولیس نے ٹرافک کانسٹبل ودیا ساگر کو اپنی بیوی سومیا 27سالہ کو زندہ جلانے کے الزام کے تحت گرفتار کیا ہے ۔ سومیا کی آگ میں شدید جھلس جانے کی وجہ سے موت ہوئی ہے ۔ سومیا کے والدین نے اُس کے شوہر کے خلاف مہیلا پولیس اسٹیشن گلبرگہ میں مقدمہ درج کروایا ہے ۔ سومیا کے شوہر ودیا ساگر کے



علاوہ اُس کے بڑے بھائی ، چھوٹے بھائی اور بڑے بھائی کی بیوی کے خلاف بھی مہیلا پولیس اسٹیشن میں شکایت درج کروائی گئی ہے ۔ ودیا ساگر کے خلاف اپنی بیوی کو ذہنی و جسمانی اذیتیں پہنچانیں اور کیروسین چھڑک کر اُسے زندہ جلانے کی کی شکایات درج کی گئی ہیں ۔ ودیا ساگر کی سومیہ سے9سال قبل شادی ہوئی تھی اُن کے 2لڑکے اورایک لڑکی ہیں ۔